Pasi keni kuptuar që stili juaj i tregtimit është "Tregtimi ditor", tani mund të mendoni për një strategji rreth tij dhe si ta bëni atë më funksional për ju.

Këtu do të gjeni një listë të thjeshtuar të katër strategjive më të njohura të tregtimit të ditës. Secila prej tyre do t'ju ndihmojë të kuptoni konceptet dhe ndryshimet e tyre.
Më pas, thjesht mund të zbatoni një që ju përshtatet më së miri.

Strategjitë e tregtisë ditore - day trading

Për shkak se tregtarët e ditës duhet të jenë shumë të përqendruar dhe strategjikë, për ta është e domosdoshme të ndërtojnë një strategji të përshtatshme. Tregtarët e ditës mund të zgjedhin hapsira të ndryshme kohore për hapjen dhe mbylljen e pozicioneve - nga disa minuta në disa orë. Si rezultat i kësaj, ata kanë zhvilluar shumë strategji. Ndër më të njohurit janë: scalping, tregtia e lajmeve, tregtimi i kundërt dhe tregtimi i gamës.

1. Scalping

Forma më e shpejtë e tregtimit është scalping. Një skalper (një tregtar i cili përdor strategjinë e tregtisë së scalping) preferon lëvizjet e shkurtra, që ndodhin shpesh, kundrejt atyre të gjata. Kur jeni në scalping, tregtia juaj zgjat nga disa sekonda deri në disa minuta maksimumi. Ideja është të hapni një tregti dhe ta mbyllni atë sa më shpejt që tregu të lëvizë në favorin tuaj. Kështu, kjo strategji nënkupton hapjen e disa pozicioneve të vogla me lëvizje të vogla të çmimeve dhe të kesh më shumë mundësi për të tregtuar. Scalping synon të marrë një fitim të vogël nga secila tregti.
Tregu duhet të jetë mjaft likuid dhe tregtari duhet të treegtojë me spread të ngushtë. Si rezultat, skalpimi përdoret më së shumti për tregtimin e çifteve kryesore të monedhave (EURUSD, GBPUSD, USDJPY dhe USDCHF).

Jo të gjithë brokerët lejojnë Scalping sepse ose është i paligjshëm (në disa vende) ose teknikisht dëmtues për brokerin.

* Ne e kemi përfshirë këtë strategji si pjesë të këtij artikulli vetëm për qëllime informative. Scalping nuk lejohet kur tregtoni me Limit Prime.

2. Tregtimi i lajmeve

Tregtimi i lajmeve është një nga mënyrat më tradicionale të tregtimit. Tregtarët që më së shumti presin për njoftimin e disa ngjarjeve dhe lajmeve të rëndësishme sesa kontrollojnë diagramet quhen tregtarë të lajmeve. Këto ngjarje dhe lajme kanë të bëjnë me kompani të mëdha ose qeverinë dhe mund të kenë të bëjnë me: fitimet e ndërmarrjeve, produktet e reja, papunësinë, normat e interesit, inflacionin, etj.

Tregtarët e lajmeve e dinë se sa disa lajme mund të ndikojnë në treg (ose vetëm një aset të caktuar) dhe në cilin drejtim mund të lëvizin çmimet (lart ose poshtë). Prandaj, këta tregtarë janë të mirë në zgjedhjen e kohës së duhur për hapjen dhe mbylljen e pozicioneve.

Sfida më e madhe për tregtarët e lajmeve është koha e hyrjes, e cila mund të jetë menjëherë pas publikimit të lajmeve të mëdha ose momenteve para se të ndodhë njoftimi. Sidoqoftë, tregtarët e lajmeve duhet së pari të monitorojnë lëvizjet e tregut pas njoftimit të lajmeve të mëdha dhe më pas të provojnë të tregtojnë lajmet vetë.

Me shfaqjen e ngjarjeve (lajmeve) të mëdha, lëvizjet në treg shpesh janë shumë të shpejta dhe befasuese. Kjo do të thotë që stop-loss dhe limit orders nuk janë aq të dëshirueshme sa tregtimi i drejtpërdrejtë, sepse mund të ndodhin humbje të mëdha.
 

Konkluzion

Tregtimi ditor është një nga stilet më të njohura të tregtisë midis tregtarëve në të gjithë botën. Por, edhe midis tyre, ka ndryshime në strategjitë që ata përdorin.

Scalping është mënyra më e shpejtë dhe më intensive e tregtimit. Scalping nënkupton hapjen dhe mbylljen e pozicioneve të ndryshme brenda pak minutash. Ne e asociojmë atë me tregtinë në tregun e Forex.

Strategjia e tregtisë së lajmeve është një nga strategjitë më të hershme të tregtimit. Këtu, tregtarët dëgjojnë se çfarë po ndodh në tregje dhe për atë llogari ata planifikojnë tregtinë e tyre. Ata preferojnë analizën themelore sesa analizën teknike.

Këto janë dy nga katër strategjitë më të mira të tregtimit që kemi përgatitur për ju.

Mësoni rreth tregtisë së kundërt dhe tregtisë së rangjeve në artikullin vijues.



 

Burimet e konsultuara: